بس كمان مو كل العناصر بنستفيد منها وهي ع صورتها الاساسيه ,, يمكن تكون ضارة حتى
ف لهيك بنلجأ لأنو نفاعلها مع عناصر اخرى ,,لحتى نستفيد منها
هاد اسمو التفاعل الكيميائي ,,
وهو عبارة عن تكسير روابط في المواد المتفاعلة لإنتاج روابط جديدة في المواد الناتجة مما يؤدي إلى تكوين مواد جديدة مختلفة في صفاتها الكيميائية والفيزيائية معاً.
رح اعطيكم مثال
عنا الكلور " cl " ,, وهو عنصر سام للانسان
و الصوديوم " Na " وهاد كمان سام لما يكون كتير
بس لما نفاعلهم مع بعض بطلع عنا ملح الطعام " كلوريد الصوديوم " الي مفيد لألنا
هيك بتستنتجو اهميه التفاعل الكيميائي
بس رح تسألوني : كيف بنفاعل العناصر مع بعض ؟؟
رح احكيلكم
التفاعل دائمن بكون مع عنصرين ,, او مركبين
بس رح ابدا بالعنصرين لأنو اسهل ,,,
خلينا ناخد تفاعل الماء
هيدروجين و اوكسجين
H2 + O2 ...........M
بما انو ذرية ال H +1
و ال O -2
ستوووووووووووووووووووب
شو عرفك بذرياتهم ؟؟
الذريه بنعرفها من الجدول الدوري ,,, شوفو الطرف الفوقاني عن الاكسجين
مكتوب 2 / 6
بس شو هاد يعني ؟؟
هاد هو عدد الالكترونات يلي بمدارتو ,,
بالمدار الاول 2 ,,, الاول ما بيوسع الاتنين
والتاني 6 ,,, المدار التاني بوسع لحد 8 بس ,,
لهيك الاكسجين بدو الكترونين لحتى يستقر ويكتمل مدارو الاخير
فهك عرفتو ليش 2
بس ليش سالب كمان ؟؟
سالب لأنو رح يدخل عليه الكترونين والالكترون شحنتو سالبه ,,فرح يصير سالب
طيب والهيدروجين ؟؟
الهيدروجين عندو الكترون واحد ,,, وما بصير يخسرو ,, لهيك دايمن بتشارك
والروابط بينو تساهميه او تشاركيه
يعني
H2 (+1) K + O (-2)2......................>i H2O
ال H وال O بصير بين ذرياتهم ضرب تبادلي ,,, يعني ال H بوخد ذرية ال O والعكس
الحل لحد هون الو نص العلامه
لييش يا مس ؟؟
لأنو المعادله مش موزونه ,, حسب قانون حفظ الطاقه "الطاقه لا تفنى ولا تستحدث "
كيف بنعرف انها مش موزونه ؟؟
لما نشوف عدد العناصر الداخله والخارجه
نشوف ال O ,,دخل تنين وطلع واحد ,,بصير ؟؟ ,,,طبعن لأ
فبنروح نضرب المواد الناتجه ب 2 لحتى يتعادلو
فبصير عنا
H2 + O2 .................2 H2O
ال اوكسجين تعادل
بس الهيدروجين رجع خرب
بنرجع نضرب الهيدروجين ب 2
بصير عنا
2H2 + O2 ................2H2o
هيك بكون دخلو 4 ذرات هيدروجين وطلعو 4
ودخلو تنتين اوكسجين وطلعو 2
طولت عليكم
واكيد تعقدتو ,,, و بتحكو بعقلكم كلها شقفه مي وقعدت نص ساعه تحكي
بس لو فهمتو هاي ,,رح تعرفو تفاعلو اي اشي تاني
لأنو هاد الاساس